Мәктәп директоры, Кпсс райкомы инструкторы, район хакимиятендә аппарат җитәкчесе,бүгенге көндә уңышлы фермер. Сүз “ Хәйбуллин” КФХ сы башлыгы Наил Хәйбуллин турында. Минем кырлар уңдырышлылыгына корылык тәэсир итмәде, ди ул. Уҗым бодае уңышы 60 ентнердан артык.
Уңышның тагын бер алшарты орлыкта, ди Наил Хәйбуллин. 17 еллык эш тәҗрибәле фермер 15 ел дәвамында бодайның бары супер- элиталы сортлысын гына чәчә.Диңгездәй җәйрәп ятучы басуда чүпне эзләп таба торган түгел. Монда да фермерның бары үзе сынаган алымнары бар .
Хуҗалыкта 4 кеше хезмәт куя. “ Нива “ комбайнын тәҗррибәле механизатор Сәлихҗан Мотыйгуллин иярли. Алны- ялны белмичә эшли торган кеше ул, дип мактый аны Хәйбуллин. Ашлыкны складка Тәлгат Хуҗахмәтов ташып тора. 25 еллап кырлар иңләгән иске Беларус тракторы бүген дә сынатмый. Көн саен склад белән басу арасын 10- 15 тапкыр әйләнә.
Складка кайтарылган ашлык коры. Бушатылган бөртекне тигезләп урнаштыру Асия Фәссахова карамагында. Ул “Хәйбуллин” фермер хуҗалыгында 5 нче ел хезмәт куя. Владимир Дарин Илюткино авылыннан. Ел саен ашлыкны биредән сатып ала икән. Китереп бирү, бәяләрнең чамалы булуы белән отышта мин, ди ул.Бүгенге көндә Хәйбуллин басуларында эшнең иң кызган чагы. Арпа гектардан 45 центнер чыккан. Бодайның уңдырышлылыгы 68 центнерга кадәр җиткән кишәрлекләре бар. Корылык минем басуларга тәэсир итмәде. ди фермер.
Фермер киләчәккә зур планнар белән яши. Арпаны сынап карау өчен аның мәйданнарын арттыру, язгы кул туралар белән ныклап эшләү нияте. Ә әлегә ул иртән- иртүк кырларына ашыга. Игеннәр шавы рухландыра,ди ул.
Резеда Гиняева, Илшат Мәхмутов, Татарстан яңалыклары, Нурлат районы.