Апас районында яшәүче Рәмзия Корягина — күпкырлы талант иясе. Ул бакчачылык белән бик яратып шөгыльләнә. Ишегалдында, бакчаларында җиләк-җимеш, яшелчәләр ел да мулдан өлгерә. Урман-кырларга чыгып, табигать кочагында мәтрүшкәләр, кырлыган чәе, төрле дару үләннәре, гөмбәләр җыярга да ярата. Аларны эшкәртеп үзләре куллана, якыннарына бүләк итә.
Мондагы матурлыктан күңелгә дәрт, көч-куәт аласың. Көндәлек мәшәкатьләрдән арынасың. Ә ул – җанга да, тәнгә дә дәва.
Рәмзия ханым гаиләсе белән кырларга, урманнарга чыгарга да бик ярата. Табигатьтән илһам алып, мәтрүшкәләр җыя. Кырлыган чәе әзерләүдә дә тәҗрибәсе зур аның.
Рәмзия Корягинаның белмәгән эше юк. Өлгергән алмаларның берсен дә әрәм итми. Алардан тәмле как ясый. Ә көз көннәрендә гөмбәләр җыеп тозлый. Боларның барысын да ел әйләнәсе гаиләсе белән куллана, якыннарына күчтәнәчкә дә бирә.
“Матурлыкны күрергә, табигать биргән нигъмәтләрдән дөрес итеп файдалана белергә кирәк. Шул вакытта гына тән белән рух гармониядә яши”,- ди Рәмзия ханым.
Гөлназ Вәлиева, Гадиль Галеев, Татарстан яңалыклары, Апас районы
