2016нчы елдан башлап Буа ветеринария техникумы студентлары Россия күләмендә уздырылучы бәйгеләрдә призлы урыннарны яулап киләләр. Элегрәк Ворлдскилсс ярышларында булса, хәзер “Һөнәри осталык” бәйгеләрендә. Яңа гына яшьүсмерләр һәм студентлар арасында узган һөнәри бәйгедә алар алдынгы. Яшь буынга ныклы белем һәм тәрбия бирүгә юнәлдерелгән уку базасыннан безнең репортаж.
Максим Мечев берничә дистә елга якын Буа ветеранирия техникумыныда укыта. Гозер белән килгән шәһәр халкына да булыша, студентлары белән дә бәйгеләрдә катнашырга өлгерә.Быелгы уку елында да аның кул астында чыныгу узган студентлар Россия күләмендә уздырылган Һөнәр бәйгесендә призлы урынны яулаганнар. Элек Ворлдскилсста катнашып призлы урыннар яуласалар, быелгы уку елындагы Россиядә узучы өр-яңа конкурс- “һөнәри осталык” бәйгесендә дә алар сынатмый.
Конкурс биремнәре дә бүгенге көндә эш бирүче индустрияләрнең фикерләренә таянып хәзерләнгән. Уку йортын тәмамлаган студент эшкә барганда әзер булып барырга тиеш. Шәһәрнең Вахитов гимназиясенең 10 сыйныф укучысы Әдилә Хөсәенова үсмерләр арасында 1 урынга лаек була. Бәйге 2-6 июнь көннәрендә Бөек Новгород шәһрендә уза.
Зилә Мусина иң элек Чабаксар, Бөек Новгород һәм Казан шәһәрләрендә ветеринария буенча узган бәйгеләрдә катнаша.
Ресурс үзәгендә студентлар өчен барлык шартлар да тудырылган. Барлык җиһазлар да алган теоритик белемнәрне практикада куллану өчен яраклаштырылган.
Ранис Әхмәтшин, Илнур Кадыров, Татарстан яңалыклары.
