Мәскәү йолдызлары да татарча бии! “Хәрәкәттә бәрәкәт” бию дәресләрендә алып баручы, җырчы һәм блогер Регина Тодоренко та катнашты. Ә иң мөһиме Казан халкы традицион татар биюенең серләренә төшенде. Хәбәрчебез Айзилә Батырханова та биеп кайтты.
Мәскәү йолдызы, җырчы һәм алып баручы Регина Тодоренконың татар биюен башкаруы интернет киңлекләрендә гаҗәеп күп мактау сүзләренә лаек булды. Регинадан кызыгып, татар биюен өйрәнергә теләүчеләр тагын да күбәйде булса кирәк. Кабан күле яр буе бу кичтә гөрләп торды.
“Без” перформансын караганнан соң халык үзе дә рәхәтләнеп биюгә кушылды.
Инде бу атнада 3 август көнне Хәрәкәттә-бәрәкәт дәресенең чираттагысы көтелә һәм ул Самара татарлары биюенә багышлана.
Айзилә Батырханова, Илдар Галәветдинов, Татарстан яңалыклары.
