Чараларда дәүләт, хөкүмәт башлыклары һәм Африка континентының 54 иле вәкилләре катнаша. Татарстан делегациясен Рөстәм Миңнеханов җитәкли. Форумда шулай ук республика стенды да эшли. Камаз автотехниканың өч моделен тәкъдим итте, продукцияне Казан вертолет заводы да тәкъдим итә.
Татарстан белән Санкт-Петербургның партнерлык мөнәсәбәтләрен ныгыту мәсьәләләре турында Рөстәм Миңнеханов һәм Александр Беглов сөйләште. Сәүдә-икътисадый һәм инвестицион хезмәттәшлек елдан-ел арта бара.
Татарстан арасындагы мөнәсәбәтләрне ныгыту — Мавритания Ислам Республикасы премьер-министры белән очрашуда игътибар үзәгендә. Рөстәм Миңнеханов бу илнең бизнес-делегациясен Татарстанга чакырды
Африка илләре белән Россия арасындагы мөнәсәбәтләр һәрвакыт җылы һәм конструктив юнәлештә бара. Россия, шул исәптән, субъектлар Африка континеты илләре белән активрак эшләргә тиеш.
Татарстан Республикасы тышкы эшләр министры белән очрашуда нефть эшкәртү, нефть химиясе, энергетика, машина төзелеше, Айти өлкәдә һәм медицинада үзара хезмәттәшлек турында фикер алыштылар.
Эшче төркемнәр чит ил министры Тунис белән очрашу нәтиҗәләре буенча оештырылачак. Татарстан нефть химиясе продукциясен, шулай ук судноларны, компрессорлар автошиннарын экспортлауны киңәйтү белән кызыксына.
Барлык очрашуларда — авыл хуҗалыгы өлкәсендә хезмәттәшлек итү төп темаларның берсе булды. Азык-төлеккә, белгечләргә ихтыяҗ бар. Рөстәм Миңнеханов эшне көчәйтү, эш төркемнәрен формалаштыру бурычын куйды.
