Эфирда “Мәдәни тормыш” сәхифәсе сезнең белән мин Динә Нәҗметдинова. Бүген мин сезне Казан һәм Татарстан районнарында уздырылачак мәдәни чаралар белән якынрак таныштырып узармын.
29 нче июль көнне Шәрык клубында Камал Театры оркестрының «БЕРДӘМ ДӨНЬЯ ТЕЛЕНДӘ. Дип исемләнгән концерты булачак.. Чарада Эльмир НИЗАМОВ Ильяс КАМАЛ һәм башка яшь композиторларның музыкаль әсәрләре яңгыраячак
Казандагы Салих Сәйдәшев музее да үзенә чакыра. Музейның беренче катында даими рәвештә, иҗади кичәләр, композиторлар һәм башкаручыларның концертлары уздырыла. Экспозиция музей бинасының икенче катында урнашкан. Аның үзәге «Ак бүлмә» булып тора. «Ак бүлмә» композиторның яктылыгын, чисталыгын чагылдыра, шуңа күрә бүлмә ак төстә, ләкин бирегә кунаклар керә алмый. Башка бүлмәләр композитор тормышының һәм иҗатының төп чорлары белән таныштыра.
Башкалабыз Казанда “ Хәрәкәттә-бәрәкәт” проекты дәвам итә. Быел дәресләр ачык һавада һәр пәнҗешәмбе, Галиәсгар Камал театры бинасы янында –кабан куле яр буенда уздырыла, Башка еллардан аермалы буларак, бу юлы проект бары тик татар бию төрләрен өйрәнүгә багышлана. Бу атнада, 27 нче июль көнне, традицион татар биюен өйрәнү көтелә. Кемнең биергә өйрәнәсе килә – бирегә рәхим итегез.
“Хәзинә” милли сәнгать галереясендә советлар чорын чагылдырган күргәзмә 30 июльгә кадәрдәвам итә! Биредә төрледән-төрле сыннар, үзенчәлеклә рәсемнәр тәкъдим ителгән.
Без сезне Баки Урманче музеена чакырабыз. Биредә күренекле сынчы сәнгате белән якынрак танышырга мөмкин.Музейның беренче катында – рәсем сәнгатенә кагылышлы картиналар, Мәрмәр бюстлар урнаштырылган. Габдулла Тукай бүлмәсе да аерым бер әһәмияткә ия. Биредә Тукай бюсты, “ Шурале” әкиятенә кагылышлы графика тамашачы игътибарын җәлеп итә. Өченче бүлмә – татар шагыйрьләренә багышланган. Фатых Әмирхан, Нәкый Исанбәт һәм тагын бик күп күренекле шәхесләрнең сыннарын күрергә мөмкин. Икенче катта картина галереясе урнашкан, монда гамәли сәнгать буенча остаханәләр да уздырыла. Өченче катта залның бер өлеше мәрмәр экспозиция өчен бирелгән. Монда рәссамның шәхси әйберләре дә бар,шулай ук остаханә почмагы торгызылган. бирегә рәхим итегез.
25 нче июль көнне Кәрим Тинчурин исемендәге Татар дәүләт драма һәм комедия театрының 90 еллыгына багышланган «Тинчуринда кунакта» дип исемләнгән Экскурсия квест уздырыла. Нәни дусларны кызыклы уеннар, күңелле музыкаль тәнәфес, Төрле әкият геройлары белән истәлеккә фотога төшү көтә. 10:00 (ФоТО)
28 нче һәм 29 нче июль көннәрендә Казанда беренче тапкыр — 5а номерлы трамвайда иске һәм яңа Казан аша спектакль-сәяхәт уздырыла. Спектакль чын трамвай эчендә була, һәр тамашачы сюжетка махсус колакчын аша чума, чиратлашып шәһәр тарихы һәм аерым шәхесләр тарихы белән таныша ала. Аудио спектакль Җиңү Паркы метро тукталышыннан башлана һәм тәмамлана.
Татар китабы йорты, 28 нче июль конне, кич белән үтәчәк ретро-концертка чакыра. Кичәдә милли музыканың алтын фондына кергән, күңелгә якын һәм кадерле җырлар башкарылачак. Чара язучы Шәриф Камал яшәгән йортта уза, шуңа күрә тамашачылар тарихның башка дәверенә «сәяхәт итәчәк», классик совет концертларында булган мохитне тоячак.
