Укытучы һәм остаз елында Дамир Вәлитов икеләтә котлаулар кабул итте. Луначарский исемендәге мәктәптә 25 ел директор булып торган ветеран педагогны коллегалары, укучылары бу көннәрдә 85 яшьлек юбилее белән тәбрикләделәр.Җәмгыятьтә барган һәр үзгәрешне күзәтеп баручы Дамир Юнысович район тарихы өчен үзенчәлекле шәхес. Аны аяклы энциклопедия диясе килә. Әле ул киләчәктә мәктәпкә Луначарский исемен кабат кайтару хыялы белән дә янып-көеп яши.Тулырак киләсе язмада.
Бүген аның өендә телефон һич кенә да тынып тормый. Элеккеге хезмәттәшләре, укучылары аны гомер бәйрәме белән тәбрик итә. Ә алар исә бихисап. Укытучы һөнәрен сайларга теләмәсә дә, 25 ел дәвамында Луначарский исемендәге мәктәп директоры булып эшли. Дамир Юнысович күпләргә олы тормыш юлында үз юлын табарга ярдәм иткән.
Юрист булырга теләп тә, тарихчы булып киткән Дамир Юнысович 52 ел укытучы булып эшли. Лаеклы ялга чыккач Буа шәһәрендәге институтта 10 ел дәвамында юристпреденция фәненнән лекцияләр укый. Ә аның чынга ашмаган хыялын уллары тормышка ашыра. 85 яшьлек юбилеенк аршы алган көннәрдә остазны җитәкчелек, хезмәттәшләре һәм укучылары ихлас күңелдән бәрәме белән котларга килгән иделәр.
700дән артык укучысы булган мәктәпкә яшь укытучылар да еш кайта. Шундыйларның берсе Роза Шәрәфетдинова. Кырыс,таләпчән, әмма күпләргә үрнәк булырлык Дамир Вәлитовны ул үзенең остазы дип атый.
Дамир Вәлитовның зур хыялы: ул мәктәпкә кабат Совет елларында бирелгән Луначарский исемен кайтару буенча төрле оешмаларга хатлар юллый.Соңга калмыйча кичектергесез чараларны күрәсе иде ди ул.
Менә шундый уй-ниятләр белән үзенең 85 яшьлек юбилеен каршы алды Дамир Юнысович.
Ранис Әхмәтшин, Кайрат Дәүләтбаев, Татарстан яңалыклары.
