Казанның Меңьеллык паркында бөек шагыйрь Кол Галигә куелган һәйкәл янында чираттагы шигырь кичәсе узды. Иҗади чарадан Мөршидә Җиһан репортажы.
Кыйссалардан, хикмәтләрдән күреклесе, ялыкмыйча тыңлау өчен иң татлысы», − дип яза Кол гали ул Йосыф сюжеты хакындагы керештә.
Саф һавада Шигырь уку да шагыйрьнең әлеге «Кыйсса-и Йосыф» поэмасыннан өзекләр уку белән башланды.
Яшь иҗатчыларны һәйкәлләр янына Татар китабы йорты белән «Идел» журналы икенче тапкыр җыя. Оештыручылар фикеренчә бу иҗатчылар өчен үзенчәлекле аралашу мәйданы.
Соңгы арада шагыйрь укыган шигырьгә түгел яңгырга сусаган халык , кызганыч Кол Гали эшен дәвам итүчеләргә аерым игътибар итмәде. Югыйсә, Габдулла Кариев исемендәге Казан татар дәүләт яшь тамашачы театры артистлары да, яңа буын шагыйрь вә шагыйрәләре дә бик лаеклы чыгыш ясады.
