Картлар һәм инвалидлар өчен интернат-йортта яшәүчеләр тормышында яңа шөгыль барлыкка килде. Әбиләр хәзер тегү тегәләр. Ә келтерәп эшләп торучы машиналар грант акчасы рәхмзтендә булдырылды. Тегүче өлкәннәр белән даими мастер-класслар да үткәрелә. Аларның тегү машиналары артында нинди кичерешләр кичерүен хәбәрчебез сорашты.
Әлеге кечкенә инструктажны берничә секундтан тегү машиналарының тигез гүләве алмаштыра.Тегүче өлкәннәрнең берсе Полина Шахнина тегү аппараты артына дистә еллар буена сузылган тәнәфестән соң утырган. Әмма кайчандыр белгәнне озак искә төшерергә туры килмәде. Куллары онытмаган булып чыкты.
Валентина Никитцова исә тегү машинасы артына унике яшьтә утырган. Хәтта киемнәрне кисү һәм тегү курслары да үткән. Хәзер бу эшне күңел өчен генә башкара, элек шуның белән тамак туйдырырга туры килгән.
Картлар һәм инвалидлар өчен интернат-йортта тегү машиналарын гран акчасына стаып алдылар. Хәзер әбиләр тегү машнасы артында күңелләрен дә тынычландыралар, файдалы хезмәт тә башкаралар.
Моннан тыш, тегүче өлкәннәр өчен җирле ателье хезмәткәрләре дистанцияле дәресләр бирәләр, Әбиләрнең милли стильдәге беренче эшләрен киләчәктә барлык буалылыр да күрәчәк. Алар Шәһәр көнендә оештырылучы күргәзмәне бизәячәк.
