Һәр елны традиция буенча урак башланыр алдыннан аграрийлар комбайннарны тикшереп карау чаралары үткәрә. Быел исә ул игеннәрнең тиз өлгерүенә карап гадәттәгедән иртәрәк оештырылды, чөнки басуларның өлгерүенә карап игенчеләр уракка да керешергә мөмкиннәр.
Әйтик, Зәй районының комбайнчы-механизаторлары «Урып-җыюга әзерлекләрен белдереп техникаларын комбайннар парадына алып чыкты. Зәйдән безнед реопртаң.
Түземсезлек белән урып- җыю башлануын көтүче механизаторлар арасында Александр Пирогов та бар. Тәҗрибәле механизатор 40 елга якын икмәк суктыруда катнаша. Быел да яхшы уңышка өметләнә.
Быелгы урып-җыюда эшләячәк техника тулы әзерлек белән комбайннар парадында урын алган.
Тиздән аграрийлар икмәк суктыруга керешәчәк. Узган ел Зәй районы урып-җыю эшләре буенча республикада алдынгылар рәтендә иде. Быел да уңыш яхшы булыр дип көтелә.
Район кырларында 50 дән артык комбайн эшләячәк. Зәй игенчеләре алдында 38 мең ярым гектар мәйданда бөртекле, бөртекле-кузаклы культураларны җыеп-алу бурычы тора.
Комбайннарның бөртеклеләрне югалту-югалтмау дәрәҗәсе тикшерелә. Техникаларның барысы да әзерлек сызыгына куелган. Ягулык материаллары, запас частьләр дә җитәрлек. техника куркынычсызлыгы, хезмәткә түләү шартлары турында сөйләштеләр. Район башлыгы комбайн руле артына утырачак һәр механизатор белән аралашып, уңышлы эшләр теләде.
Әдилә Борһанова, Александр Тимофеев, Максим Майоров, Татарстан яңалылары, Зәй районы.
