Төрле буын шагыйрьләре үзләренең шигырьләрен укыды. Һади Такташ һәм Марсель Сәлимҗанов урамнары чатында урнашкан һәйкәл янында яшь, урта һәм өлкән буын шагыйрьләре җыелган иде.
Алар арсында –Газинур Морат, Рәмис Аймәт, Нәҗибә Сафина, Илсөяр Ихсанова, Рифат Сәлах, һәм башкалар.
Иҗади кичәне «Идел» журналы, Татар китабы йорты һәм Татарстан Язучылар берлеге оештырды. Гомүмән, әлеге чарада шигыряткә битараф булмаганнар җыелган иде. Шулай ук биредә, «Идел» яшьләр үзәге «Иделем акчарлагы» бәйгесе турында да игълан итте.
Быел әлеге бәйге 23 нче тапкыр үтәчәк. Бәйгегә поэзия, проза, драматургия, балалар әдәбияты номинацияләрендәге эшләрне җибәрергә була. Эшләр 30 сентябрьга кадәр кабул ителә.
Казанда шагыйрьләргә, язучыларга һәйкәлләр бар, шуңа да мондый очрашулар даими рәвештә булыр дип җелдерде «Идел» журналының баш мөхәррире Рәмзия Галимова.
