Терлек азыгы әзерләү, шул исәптән шәхси ярдәмче хуҗалыкларны азык белән тәэмин итү турында Хөкүмәт Йортында узган республика киңәшмәсендә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов җиткерде. Киңәшмәне видеоконференция элемтә режимында Татарстан Премьер-министры Алексей Песошин уздырды.
Республика кырларында явым-төшем җитмәү күзәтелә. Температура түбән булуга һәм яңгырлар булмауга карамастан, корткычларның зыян салуы теркәлгән, шунлыктан кичекмәстән игеннәрне саклау чаралары дәвам итә.
Җәй Сабан туй бәйрәмнәренә бай ел фасылы. Шул уңайдан Рөстәм Миңнеханов Казан Сабантуенда ат-спорт ярышларында һәм Мирный бистәсендә уздырылган бәйрәмдә кунак булырак катнашты, Фәрит Мөхәммәтшин Аккош күле мәйданында уздырылган бәйрәмен тамаша кылды, ә республика районнары вәкилләре Сабан туйга илнең башка төбәкләренә кунакка бардылар.
Моннан тыш, Тукай районында машина белән сыер саву операторларының юбилей бәйгесе узды, ә Авыл хуҗалыгы һәм азык-төлек министрлыгы бакчачылык оешмаларына субсидияләр алуга конкурс игълан итте.
…
Аграр фән көнендә климат үзгәрү шартларында игенчелекнең тотрыклы үсеше турында фикер алыштылар. Әлеге бәйрәмне Казан дәүләт аграр университеты Агробиотехнопарк бинасында уздыра. Биредә шактый сорауларга җавап эзләделәр. Мәсәлән, Туфракның уңдырышлылыгын ничек арттырырга, уңышны арттыру өчен үсемлекләргә нинди минераль өстәмәләр бирергә, урып-җыюның күрсәткечләре югары дәрәҗәдә булсын өчен нишләргә?
Бу һәм башка сораулар биредә утыручылар тарафыннан бирелде.
Галимнәр, белгечләр һәм игенчеләр 3 нче тапкыр Агробиотехнопарк бинасынла июнь азагында бөртеклеләрне урып-җыю алдыннан җыелалар. Быел җәй иртәрәк килде, башта агрономнар яхшы уңышка өметләр багласа, бүген явым-төшемнәр булмау сәбәпле уңыш начар булврга ошаган дип фаразлана. Республиканың көньяк-көнчыгыш ягында туфракта дым калмаган диярлек. Азнакай районында беренче чабымны тулысынча үти алмадылар.
Республика Авыл хуҗалыгы һәм азык-төлек министрлыгында да әлеге аяныч хәл турында беләләр. Авыл хуҗалыгы хезмәтчәннәренә агротехнологияләргә басым ясарга киңәш итәләр.
Авыл хуҗалыгы фәннәре докторы Радик Сафин фикеренчә, яхшы чыдам сортлар һәм заманча технологияләр корылыктан килгән югалтуларны шактый киметә ала.
Агробиотехноппарк 200 гектарда урнашкан. Биредә 2 меңгә якын урын төрле тәҗрибәләр уздыру өчен шартлар бклдырылган. Сабан бодаеның гына 50 дән артык сорты сынала.
Казан аграр университеты ректоры Айрат Вәлиев , студентлар практик эштә үзләре дә катнашырга тиеш дип саный. Югары уку йортын тәмамланганнан соң, алар үз хуҗалыкларына әзер заманча белгечләр булып кайта.
Районның авыл хуҗалыгы һәм азык-төлек идарәләре башлыклары һәм хуҗалыклар җитәкчеләре, Кыр көнендә катнашып тәҗрибә тупладылар һәм шактый сорауларга җавап таптылар.
