Кайсысы акча белән, кайсы әйберләтә үз өлешен кертеп калырга тырыша. Мобилизацияләнгән солдатларга ярдәм итү йөзеннән Чистай муниципаль районы халкы да, хәрби операция башлануның беренче көннәреннән үк, акциягә бердәм кушылды. Татарстан телерадиокомпаниясенең иҗат төркеме Чистай шәһәрендә булып, андагы халык белән аралашып кайтты. Тулырак Фәннур Хәсәнов һәм Альберт Сәфиуллин видеоязмасында.
Солдатлар, улларыбыз, егетләребез җиңү яулап туган якларына исән-имин гына кайтсыннар. Без көтәбез сезне, егетләр, һәм дә сезнең өчен изге догада калабыз! Чистай муниципаль район халкы, бердәм булып, дәррәү кубып, мобилизацияләнгән солдатларга ярдәм итүләрен дәвам итәләр.
Райондашлар мобилизацияләнгән солдатларга кулларыннан килгәнчә ярдәм итү, туган якның җылысын тапшыру ниятендә, аларга кирәкле әйберләр җыюны дәвам итә. Бу эшләрнең башында диния нәзарәте, татар конгресы белән берлектә, “Ак калфак” татар хатын-кызлары иҗтимагый үзәге тора.
Һәр кешенең дә әлеге акциягә кушылуының сәбәпләре төрлечә. Яу кырында кемнеңдер авылдашы, райондашы, кемдер күңеле кушуынча, балаларын озаткан әниләр-дисеңме, ирләрен көтүче хатын-кызлар –барысы да күңел җылысын салып, ихластан башкаралар әлеге эшне.
Без, сугышчыларыбызга ышанычлы тылны, туган йортларының җылысын, якташларыбызның рәхмәтен тоеп торсыннар өчен, барысын да эшлиячәкбез, — диләр Чистайлылар.
Фәннур Хәсәнов, Альберт Сәфиуллин. Татарстан яңалыклары.
