Бүләк ял һәм сәламәтләндерү лагере үз эшчәнлеген башлап җибәрде. Шушы көннәрдә биредә лагеръның беренче сменасының ачылу тантанасы оештырылды. Анда рәсәйнең төрле өлкәләреннән , шул исәптән Курган өлкәсенең йолдыз авылыннан да 30 бала ял итә.
Бүләк ял һәм сәламәтләндерү лагеренең тәүге сменасы үзенең эшчәнлеген 1 июньнән башлап җибәрде. Ял итәргә килгән балалар бүген инде бирегә үзләшеп, чын лагерь тормышы белән яши башлады. Әлеге смена чит регионнардан килгән балаларның булуы белән үзенчәлекле.
Әминә Әмирова Курган өлкәсеннән. Май аенда янгын кичергән Йолдыз авылыннан 30 кеше килгән алар. Бүләк лагерендә алар ике смена дәвамында ял итәчәк.
Курган өлкәсеннән килгән егет — кызларны укытучы апалары алып килгән. Гөлфия Сәфәргалиева сүзләренчә, балалар бирегә зур теләк белән килгән.
