Бүген Татарстан Республикасы Рәис Рөстәм Миңнеханов «Ватанны саклаучылар» Дәүләт фонды филиалын ачуда катнашты. Бу мөһим социаль учреждение, ул махсус хәрби операциядә катнашучыларга һәм аларның гаилә әгъзаларына социаль, көнкүреш, психологик һәм юридик мәсьәләләрне хәл итәргә ярдәм итә, рәсми рәвештә үз эшен бүгеннән Ямашев адресы буенча башлый. Тулырак алдагы язмада
«Ватанны саклаучылар» фондының девизы — үзебезнекеләрне ташламыйбыз. Максаты — махсус хәрби операциядә катнашучыларга һәм аларның гаиләләренә көнүзәк проблемаларны хәл итүдә ярдәм күрсәтү. Мондый ярдәмнең мөһимлеге Карабашевларның нәселле хәрбиләре гаиләсендә яхшы беләләр. Гаилә башлыгы, Андрей Карабашев, махсус операция башланганнан бирле «Барс» батальоны составына үз теләге белән китә, аннары — «Тимер» батальоны. Бик каты яраланган.
Россия Президенты Владимир Путин инициативасы белән «Ватанны саклаучылар» фонды булдырылды. Казанда ул Ямашев урамы 1нче йортта, Химиклар мәдәният йорты бинасында оештырылган.
Һәлак булган ветераннарның гаиләләренә, шулай ук Бөек Ватан сугышы инвалидларына аерым игътибар бирелде.
Биш йөз квадрат метрдан артык мәйданда төрле учреждениеләрнең илле вәкиле урнашкан. Шулай ук конференц-зал һәм юрист кабинетлары, медик-социаль экспертиза бюросы һәм психологлар бар.
Ямашев урамындагы «Ватан сакчылары» фонды филиалы эшен бүгеннән башлап җибәрде.
Инна Данилова, Александр Решеткин, Татарстан яңалыклары.
