Татарстанның халык язучы Нурихан Фәттахның “Кырык дүртнең май аенда” дигән повесте буенча фильм төшерелә. Картинаның төп максаты – яшь буында тарихка һәм кешелеккә карата мәхәббәт тәрбияләү. Катлаулы һәм кызыклы кино төшерү мизгелләрен хәбәрчебез Мөршидә Җиһан да күреп кайтты.
Һәр кадр уйланылган, килештерелгән , әмма бер дубль белән генә кино төшереп булмый. Шуңа да бик катлаулы хезмәт ул. Сценарий , кастинг , төшерү урынын сайлау этаплары артта калган. Хәзер иҗади өлеше. Актерлар арасында Резеда Сәлахова кебек яшь буын,Дания Нурлы Равил Шәрәфиев кебек өлкән буын вәкилләре дә бар.
Әтнә , Арча районнарның фильм төшерүчеләргә булышу тәҗрибәсе дә зур . Иҗат төркеме әлеге кадрларны да Әтнә районының Ары авылында төшерә. Аларга кино төшерүдә катнашучылар бик рәхмәтле. Тарихи вакыйгаларны җанландыру өчен шул чор мохиты кирәк.
Чабатаны да белеп бәйләргә кирәк әлбәттә, әмма Нурихан Фәттах язган әсәрнең төп максаты намус, вөҗдан; шәфкать, кебек гомумкешелек кыйммәтләрен чагылдыру.Сценарий авторлары да шуңа омтыла.
Сугыш чоры хаты-кызларына һәйкәл булыр дип төшерелгән киноның язгы күренешләре әзер. Җәйгесе -июль аенда дәвам ителә. “Кырык дүртнең май аенда” фильмы Татарстан Мәдәният министрлыгының матди ярдәме , «Татнефть» компаниясе гранты хисабына Арча якташлыгы җитәкчелегендә төшерелә.
Мөршидә Җиһан, Ирек Хәмидуллин Татарстан яңалыклары
