Кол Шәриф мәчетенә керү алдыннан, күргәзмә белән хозурланырга килгән һәркемгә Әхмәт Евпатов экспозиция турында сөйли. Биредә Мөхәммәд пәйгамбәрнең, гаиләсенең һәм аның тарафдарларының истәлекләре куелган.
Алар арасында — Пәйгамбәрнең үз кылычы. касәсе, кызының кул тегермәне, аның көрәштәшләренең көнкүреш әйберләре — Халид бин әл-Вәлидның поход фляжкасы һәм Әбу Бәкер әс-Сиддик хәнҗәре бар. Пәйгамбәр экспозициясе Идел Болгарында ислам динен кабул иткән көнне ачылды. Ике көн эчендә анда 30 меңнән артык кеше килгән. Татарстан халкы һәм башкалабыз кунаклары экспонатлар белән 22нче һәм 23нче майда иртәнге 10нан кичке җидегә кадәр хозурлана ала.
