18-19 майда Казанда Россия — Ислам дөньясы» Халыкара икътисадый форумы башлана.Соңгы әзерлекләр бара. Татарстан барлык халыкара сөйләшүләр алып бару һәм очрашу урынына әйләнәчәк, бу икътисадый, мәдәни өлкәдә тәҗрибә алмашу да. Килүче кунаклар өчен зур программа әзерләнгән. Тулырак мәглүмат алдагы язмада.
«Россия – Ислам дөньясы» халыкара икътисадый форумына соңгы әзерлек эшләре бара. Форум барышында Казан Экспода безнең Татарстан дәүләт телевидениясенең мобиль студиясе эшлиячәк дип көтелә. Бөтен россия дәүләт теле-радиокомпаниясе рәсми рәвештә форумның генераль телевизион партнеры дип санала.
Форум программасы бик кызыклы һәм файдалы булачак дип ышандыра оештыручылар. Казан Саммит булган көннәрне катнашучыларны мәдәни яктан баету максаты белән опера һәм балет, Камал һәм Буа дәүләт драма театралары спектакльләр күрсәтәчәк.
Форум кунаклары өчен Агросәнәгать паркы базасында хәләл индустрия күргәзмәсе эшләячәк. ШУлай ук Казан рестораннарында ашчылар ярышы узачак дип көтелә, биредә 11 чит ил һәм ике Россия ашчылар командасы көч сынашачак.
Казан 40 илдән 45 дипломатик миссия, 37 илче, 698 массакүләм мәгълүмат чаралары вәкилләрен , 85 илдән һәм илнең 84 төбәгеннән 235 делегацияне каршы алырга әзер. «Россия – Ислам дөньясы » форумы 15 000 кунак кабул итәчәк.
Динә Нәҗметдинова, Анастасия Аксёнова, Искандер Тюменев, Татарстан яңалыклары.
