Татарстанда «Эштәге сәламәтлек» акциясе башланды. Республика Раисе кушуы буенча, башлангыч стадиядә мөмкин булган җитештерү авыруларын ачыклау өчен, һәр эшче һәм цех остасына барып җитү мөһим. Казан вертолетлар заводында зур медицина һәм министрлык десантлары төшерелде. Тулырак алдагы репортажда.
Казан вертолетлар заводы слесаре Игорь Каяткин, монда күптән түгел генә эшли. Әмма тар белгечләрне узу мөмкинлеге барлыкка килгәч, җитештерүдән аерылмыйча, әлбәттә, ризалашты. Мобиль поликлиникада ул гастроэнтеролог, офтальмолог, УЗИ белгече кардиолог һәм башка табибларда булырга өлгерде.
“Здоровье на производстве”- “эштәге сәламәтлек” акциясе — “Бердәм Россия”нең “Сәламәт киләчәк” федераль партия проектының бер өлеше. Әмма аны Сәламәтлек саклау министрлыгы, Сәнәгать һәм сәүдә министрлыгы, Казан медицина университеты, 12 нче шәһәр һәм республика клиник хастаханәсе бергәләп гамәлгә ашыра.
Акциянең төп мәгънәсе — производствода эшләүчеләрнең авыруларын ачыклау гына түгел. Бу хезмәтне саклау да, цехлар арасында спорт ярышлары да, авыруларны нәтиҗәле профилактикалау да. Галимнәр һәм табиблар — хезмәткәрләрен нинди авыртулар ешрак эзәрлекли һәм ни өчен — яктыртылу һәм тавыш дәрәҗәсе, зарарлы предприятиеләрдә һаваның торышын аназизлый.
Татарстанда “Сәламәт киләчәк” федераль проектының иҗтимагый советын Дәүләт Думасы депутаты Айрат Фәррахов җитәкләде. Аның әйтүенчә, мондый акция завод һәм фабрикаларда гына түгел, агропром хезмәткәрләренең зур армиясенә дә игътибар итәргә кирәк.
Парламент Рәисе Фәрит Мөхәммәтшин “Здоровье на производстве “эштәге сәламәтлек” республика акциясенә старт бирде. Ул Мобиль поликлиникалары эшен карады, завод эшчеләре белән аралашты, вертолетлар җыя торган цехларда булды. Фәрит Мөхәммәтшин фикеренчә, уртак тырышлык белән предприятиеләрдә эшләүче татарстанлыларның сәламәтлеге өчен көрәшергә тиеш.
Казан вертолет заводы әлеге акциядә беренче предприятие булды. Атна дәвамында күпчелек хезмәткәрләр җентекле сәламәтлек күзәтүе узачак. Ә инде тиздән мобиль поликлиникалар, Казан медицина университеты профессорлары һәм тар белгечләр республиканың башка эре предприятиеләренә килергә планлаштыралар.
