Уку елы әкрен генә ахырына якынлаша, укучылар билгеләрен төзәтергә ашыгалар, һәм аннан тыш иң яхшы сыйныф титулын яулау өчен бар көчләрен куялар. Совет мәктәпләрендә бигрәк тә актуаль булган система бүгенге көндә Мамадышның берничә мәктәбендә дә кулланыла. Уку елы азагында барлык чараларда да активлык күрсәткән сыйныфны ачыклап – аларны Республиканың истәлекле урыннарына бару белән бүләклиләр.
Мәрьям Фәхриева Мамадыш районы Җәнлек совхозы мәктәбенең 9 сыйныф укучысы. 2021-2023 уку елларында ул уку йортында эшләүче «Йолдыз» оешмасы президенты була. Шуңа күрә мәктәп эшләренең калейдоскобы белән кыз яхшы таныш. Аның сүзләренчә, бу система совет мәктәпләрендә булган.
Моннан тыш SOS дип аталган билге дә бар. Ул кызыл төстә. Аны калейдоскопка ябыштыру– сыйныф берничек тә активлык белдермәгән дигән сүз.
Системада 2 ел рәттән хәзерге 7нче сыйныф беренчелекне алып бара. Балаларның сыйныф җитәкчесе — Гөлнур Әлмиева. Иң авыры укучыларны бербөтен гаилә итеп формалаштыру ди укытучы.
Мәктәп эшләре калейдоскобында иң күп балл туплаган сыйныфны соңгы кыңгырау көнне, 25нче майда билгелиячәкләр. Беренечелекне яулаган сыйныф Республиканың истәлекле урынына барачак. Ә бүген малайлар һәм кызлар ныклап Җиңү көненә әзерләнә. 9 майда үзләрен ничек актив күрсәтүгә карап тактада яңа билгеләр артачак.
