Алар шуклар, алар утлар. Алар сәхнәне үз иткән артист малайлар hәм кызлар. Районыбыз күләмендә 8нче ел рәттән оештырылып килүче “Сәяр” театры фестивале катнашучылары турында яратып шулай әйтеп була. Бу атнада Саба урта мәктәбенең сәхнәсендә балалар бакчалары сабыйлары, мәктәп укучылары үзләренең сәләтләрен театр өлкәсендә күрсәтте. Чын осталарны туплаган жюри төркеме иң иңнәрне ачыклады. Киләсе хәбәр шул хакта.
“Сәяр” район балалары өчен оештырылып килүче театр фестивале балалрда иҗади сәләтләрен үстерергә мөмкинлекләр ача. Ул 8нче ел рәттән Татарстан Республикасы Дәүләт телләрен һәм Татарстан Республикасында башка телләрне саклау, өйрәнү һәм үстерү Дәүләт программасын гамәлгә ашыру кысаларында үткәрелә.
Театраль фестиваль катнашучылары 4 яшь котегориясендә чыгыш ясады. Нәтиҗәләр дә һәркайсы арасында аерым ясалды. Өйдә рәхәт, өйдә һәрчак күңелле. Якыннар бергә булганда гына яшәү матур. Балалар үз уеннары белән тамашачыларга шуны төшендерде.
Симет мәктәбеннән килгән бу кызлар үзләрендә оештырылган “Нур” драм түгәрәкнең активистлары. Бөек җиңү тантанасы якынлашкан бу көннәрдә алар сугышчан теманы чагылдырып сәхнә чыгышы әзерләгәннәр. Башкару осталыклары да югары дәрәҗәдә диеп бәяләнде. Беренче урынны алдылар.
Сәхнәдәге уенны мәгариф идарәсе белгечләре белән бергә сәхнәнең чын осталары да бәяләде. Алар өчен театрны яраткан яңа буын, яшьләр үсеп килү аеруча куанычлы.
Сәяр театраль фестиваленең төп җиңүчеләре итеп, Олы Кибәче урта мәктәбенең “Күңелле сәхнә” театр коллективы табылды. Алар хәзер гран при ияләре буларак Саба данын республикада яклаячак.
Фәннур Хәсәнов, Райлә Галәвина Рәзил Нигъмәтов, Татарстан яңалыклары, Саба районы.
