Мөселманнарның иң олы дини бәйрәмнәренең берсе быел 21 нче апрельдә туры килде. Казанда ул көнне барлык мәчетләрдә Рамазан гаете үткәрелде. Рауза мәчетендә узган беренче гает бәйрәмен хәбәрчебез Мөршидә Җиһан күреп кайтты.
Бар күңеллелек бөтен дөньяда, бар бер ямь бүген, нәрсәдән бу, билгеле, бәйрәм бүген,бәйрәм бүген, — дип язган 100 елдан артык элек Габдулла Тукай рамазан гаете көне турында. Дөньякүләм мөселман өммәте сыман ук Рауза мәчетендә дә ул иртәдә бәйрәм рухы тантана итте. Түбәтәен кигән бабайлар, әтиләр, егетләр, малайлар гает намазына ашыга. Әмма нәрсә бәйрәм итүебезгә ачыклык кертик әле.
Әнә шул көчсезлегебезне тану өчен ай буе ураза тотып нәфесебезне тыеп торабыз. Ә аннары бәйрәм итәбез. Гает көнен рамазан бәйрәме дип әйтү дөрескәрәк туры килә ди, кайбер дин белгечләре. Әмма халык теленә рамазан ае тәмамлану ураза бәйрәме булып кереп калган һәм гасырларны кичкән.
Туган кебек якын Рауза мәчетенә бәйрәм намазын укырга табиб булырга җыенучы студентлар да килгән. Алар Һиндстаннан. Быел Казан медицина университетын тәмамлыйлар.
Гает намазын укырга килүчеләр шактый. Бәйрәм вәгазен сөйләгән арада мәчет шыгырым тулды. Сыймаганнар намазлыгын мәчет тирәсенә җәйде. Алар арасында танылган тәрҗемәче Фатиһ Кутлу да ба/р
Рауза сүзе татарчага тәрҗемә иткәндә җәннәт бакчасы дигән сүз. Мәдинә шәһәрендә пәйгамбәр мәчете дә Рауза исемле. Ә әлеге мәчет Аны төзетүче Радик һәм Ренат Гайзатуллиннарның әниләре хөрмәтенә Рауза дип аталган.
Рауза мәчете күптән түгел генә эшли башласа да яшьләр үз итеп өлгергән. Гает намазын Рауза мәчетенең имам хатыйбы Илнур хәзрәт Вафин укыды. Рауза мәчетендә узган гает намазында Татарстанның Мәгариф һәм фән министры Илсур Һадиуллин да катнашты.
Тәрбия ул сүз белән генә түгел әти-әнидән үрнәк алып , алар кылган гамәлләрне күреп , аларга охшарга тырышып үсүдән алына. Иртә баштан торып килгән әлеге балалар өчен дә гает көне тәмле пылау булып исләрендә кала. Киләсе гаеткә килергә дә бер сәбәп.
Мөршидә Җиһан, Илдар Галәветдинов Татарстан яңалыклары.
