Арча районында “Татавтодор” юл компаниясе һөнәри осталык конкурсы уздырды. Биредә тугыз команда көч сынашты. Тулырак Динә Нәҗметдинова сюжетында.
Әлеге конкурс соңгы тапкыр 3 ел элек үткәрелгән иде, быел юл хезмәте белгечләре янәдән “Татавтодор” мәйдәнчыгында үз остазлыкларын күрсәтергә җыйналды. Һөнәр ияләре 6 категория буенча көч сынашты: асфальт-бетон катнашмасы әзерләү, үзбушаткычка йөк төяү һәм башкалар. Хөкемдар ассызыклаганча, Һәрбер бирем төгәллек, сабырлык һәм игътибарлык таләп итә. Билгеле, командаларның хата җибәргән чакларда булды.
Мультфильм геройлары аеруча бәйрәмгә ямь өстәде, балаларны төрледән-төрле уеннар белән куандырды.
Биредә җанатучылар саны да бихисап иде. Кайберәүләре хәтта плакатлар да ясап алып килгән. Үзләре катнашмаса да, хәзмәттәшләрен канатландырып, көч биреп торалар.
Ярышка барлыгы 144 катнашучы килгән иде. Әлеге конкурс шулай ук төгәллек һәм тизлек таләп итә. Башта тагылмалы газель алдан ук билгеләнгән араны уза hәм юл билгеләрен куеп чыга. Эш барышын жюри әгъзалары күзәтеп тора һәм бәя бирә.
Һәребер бәйгенең җинүчесе була… Быел беренчелекне Арча җыелма командасы алды. Аларга рәхмәт хатлары, истәлеккә бүләкләр тапшырылды.
Динә Нәҗметдинова, Алберт Сафиуллин, Татарстан яңалыклары.
