Педагог һәм остаз, милли мәдәниятләрне һәм гореф-гадәтләрне саклау, үз ватаныңның иминлеге һәм патриотлары. Әлеге дүрт мөһим теманы ”Дети рисуют страну” 17 нче республика телевизион конкурсының яшь катнашучыларына ачарга кирәк була. Бәйге инде бер айга якын бара, һәм атна саен аңа Татарстанның шәһәр-район-авыллары кушыла. Бу юлы сезнең игтибарга Нурлат районының нәни рәссамнаре эшләрен тәкдим итәбез.
1-нче Нурлат мәктәбенең башлангыч сыйныф укучыларына «Балалар илне ясый» бәйгесендә катнашу мөмкинлеге турында игълан ителгәч тә, иҗади ярыш тулы куәтенә башланып китте. Идеяларны һәм образларны тудыруда сыйныфлар үзара ярышалар. Берәүләр милли гореф-гадәтләрне, икенчеләре – хәрби операция уздыру зонасында безнең яклаучыларны сурәтләргә теләделәр.
Иң күп рәсемнәр куркынычсыз юл хәрәкәте темасына. Балалар моның никадәр мөһим булуын аңлый.
Бу эшләрнең кайберләре район этабында җиңүче дип табылыр һәм Казанга республика эксперт советы хозурына җибәрелер. Ә оештыручылар — «Татарстан» Дәүләт теле-радиокомпаниясе, Мәгариф һәм фән министрлыгы, «Бердәм Россия» Татарстан бүлекчәсе, ЮХИДИ һәм «Юл хәрәкәте иминлеге» Дәүләт Учреждениясе ахыргы нәтиҗәләр ясар һәм июньдә Россия көне алдыннан җиңүчеләрне бүләкләр.
Дмитрий Второв, Ренат Сахибгареев, Татарстан яңалыклары.