«Безнең мирас» журналы редакция белән хезмәттәшлек иткән журналистлар, язучылар, иҗтимагый оешмалар вәкилләре катнашында ифтар уздырды.Саваплы чарадагн хәбәрчебез Мөршидә Җиһан репортажы.
«Безнең мирас» журналы Ифтарга әзерлекне рамазан аена кергәндә үк башлый. Ә мәҗлес узасы көнне иртәдән редакция хезмәткәрләре иң әүвәл татар халкының бөек шәхесләре җирләнгән зиратта өмә үткәрә, әрвахларны рухына дога кыла.
Олуг галимнәр, әдипләр, журналның даими авторлары, журналистлар чакырып үткәрелгән ифтарның төп сүзчесе баш казый Җәлил хәзрәт Фазлыев халкыбыз халәтенә белән бәйле вәзгыятьне дә шәрехләп, тормыштан алынган миасаллар белән яшәү үрнәгенә өндәде . Шулай ук дин һәм тормыш хакындагы фикерләре белән аксакалларыбыз да уртаклашты.
Шушындый җәмәгать ифтарларының үткәрелүе күркәм гадәткә әверелде. Шуңа бик сөенәбез ди татар мөселман календарьләре бастырып таратучы Фәния Хуҗәхмәт.
Ифтарда соң Ләбиб Лерон катнашучыларга журнал редакциясендә әзерләнгән — Йосыф Баласагуниның «Котадгу белек» китабын бүләк итте.
Мөршидә Җиһан, Дамир Мөхәммәтханов. Татарстан яңалыклары.
