Изге Рамазан аенда балалар катнашында дини чаралар оештыру күркәм гадәт. Шундый чараларның берсе Нурлатта яшь мөселманнар арасында Коръән укучылар конкурсы узды.
Балаларда кечкенәдән дини кыйммәтләр тәрбияләү бик мөһим. 200дән артык кыз һәм малай азан әйтү, сүрә һәм Коръән аятьләрен яттан уку өчен ярыштылар. Чара Әхмәтзәки хәзрәт Сафиуллин исемендәге мәгариф үзәге базасында оештырылды.
Шәкүровлар гаиләсеннән сигез яшьлек Ислам, биш яшьлек Назилә әтиләре белән бүгенге бәйгегә беренчеләрдән булып килә. Улы конкурста сүрә укырга әзер. Болар барысы да аларны дингә хөрмәт белән карарга өйрәтә, — ди Нәфис.
Конкурс кызлар һәм малайлар өчен аерым сыйныфларда барды. Катнашучылар арасында догаларны үзләре өйрәнүчеләр, Нурлат мәчетләрендә Коръән аятләрен уку курсларына йөрүче балалар да бар.
Район мөхтәсибе билгеләп үткәнчә, елдан — ел Коръән укучылар саны арта бара. Белемнәрне дүрт яшь категориясендә бәялиләр.
Оештыручылар җиңүчеләр һәм катнашучыларга татлы бүләкләр әзерләгән . Тантана азагында катнашучыларны тәм-томнар белән тулы өстәлләр көтә иде.
Гүзәл Сәмәрханова, Илшат Мәхмүтов, Ләлә Зәйнуллина, Татарстан яңалыклары, Нурлат районы.
