Саба районында кошчылык тармагы елдан-ел үсеш кичерә. Район буенча исәпләгәндә бүгенге көндә 3 инкубатор , тавык-чебеш, каз үрдәк белән шөгыльләнүче ике эре фермер һәм кулланучылар җәмгыяте бар. Шушы көннәрдә район һәм республика тарихында күңелле яңалык булды. Яңа оештырылган инкубаторда беренче күркә бәбиләре чыкты. Бу хакта тулырак алдагы сюжетта.
Ата күркәләрнең авырлыгы 23 — 24 кг га җитүче махсус токымлы күркә чебешләрен чыгаручы заманча инкубатор Россия күләмендә берничә генә. Шуның берсе Саба районында эшли башлады. Бу Словакия Республикасыннан кайтарылган беренче проекты 40 000 йомырка февраль азагында Словакия Республикасыннан кайтарылган. Беренче 20меңгә якын бәби инде чыккан.
Инкубатор бер айга 112 мең чебеш чыгарырга сәләтле. Киләчәктә санын тагын да арттыру планы да бар.
Йомыркалар кайтуга авыруларга каршы тикшерү уза. Эш барышында буш йомыркалар ачыклана. Табигать гаҗәеп. Чебешләр чыккач та 3 көн үзләренең эчендәге сары хисабына тукланып яши. Шушы өч көн эчендә алар эре кошчылык фабрикаларына озатыла.
Галимнәр тарафыннан күркә ите диетик һәм организм өчен иң файдалысы дип исбатланган.
Гульназ Вахитова, Разил Нигъматов Ләлә Зәйнуллина. Татарстан яңалыклары, Саба районы.
