Бер ай дәвамында Чаллы керәшеннәре үзләренең мәдәнияты белән таныштырды. “Якын дуслар җыелышкач” проекты кысаларында күргәзмәләр, темактик кичәләр үтте. Ә шушы көннәрдә Татарстанның Халыклар Дуслыгы йортында йомгаклау кичәсе узды. Айлык нәтиҗәне хәбәрчебез Эльвина Полякова күреп кайтты.
Әнә шулай, үзләренчә милли итеп, һәр кичәне зурлап үткәрә Чаллылар. Бәйрәмнең иң зур кунагы күренекле җырчы Виталий Агапов.
Кичәдә Чаллы фольклор коллективлары да, ялгыз үзешсән җырчылар да катнашты. Чараны ачып җибәргән Халыклар Дуслыгы йорты директоры Ирек Шәрипов бәйрәм оештыручыларга халыкчан мәдәни сәнгатьтне түкми-чәчми киләчәк буынга җиткергәннәре өчен рәхмәт белдерде.
«Якын дуслар җыелышкач» проекты Яков Емельянов исемендәге мәдәни үзәк башлангычында быел өченче тапкыр үткәрелә. Ул республиканың төрле районнарындагы керәшеннәрне берләштерү, мәдәни тәҗрибә уртаклашу максатыннан үткәрелә.
Керәшен татартларын берләштерүнең бер сыйфаты кунакчыллык булса икенчесме керәшен хатын-кызларының активлыгы. Кая барсаң да – әбиләр, кая барсаң да түтиләр башлап йөри.
Халыклар арасында дуслык бәйләнешләрен ныгытуда мондый кичәләрнең роле зур, чөнки алар аша халыклар бер-берсенең мәдәниятен, яшәү рәвешен, гореф-гадәте, йолаларын өйрәнә һәм шулар аша бер-берсенә хөрмәт тәрбияли, үз итә, дуслыгын ныгыта.
Эльвина Полякова, Александр Решеткин . Татарстан яңалыклары.
