Узган атнада Казанда һәм республика районнарында авыл хуҗалыгы ярминкәләре башланды, Механизация һәм техник сервис институтында «цифрлы игенчелек » белгечлеге буенча эшче һөнәрләрнең региональ чемпионаты узды, ә авыл хуҗалыгы һәм азык-төлек министрлыгында терлекчелекнең өстәмә продуктларын утильләштерүнең яңа таләпләре турында фикер алыштылар.
Узган атнада Казанда һәм республика районнарында авыл хуҗалыгы ярминкәләре башланды, Механизация һәм техник сервис институтында «цифрлы игенчелек » белгечлеге буенча эшче һөнәрләрнең региональ чемпионаты узды, ә авыл хуҗалыгы һәм азык-төлек министрлыгында терлекчелекнең өстәмә продуктларын утильләштерүнең яңа таләпләре турында фикер алыштылар.
18 мартта Казанның 14 мәйданчыгында, шулай ук Яшел Үзәндә, Чаллыда hәм Түбән Камада язгы авыл хуҗалыгы ярминкәләре башланды. Беренче ярминкә атнасында 104 тонна бәрәңге, 77 тонна яшелчә, 79 тонна ит китерелгән. Шәһәр халкы иртәдән ук азык-төлек сайлау белән мәшгүль.
Авыл хуҗалыгы һәм азык-төлек министрлыгында терлекчелекнең өстәмә продуктларын утильләштерүгә яңа таләпләр турында фикер алыштылар. Киңәшмәне авыл хуҗалыгы һәм азык-төлек министры урынбасары Ленар Гарипов үткәрде.
Хәзер закон буенча, өстәмә продуктларга авыл хуҗалыгы җитештерүендә кулланыла торган тирес, тизәк, терлек аслыгы һәм агынтылар гына керә ала. Өстәмә продуктлар мәҗбүри таләпләрне үтәгәндә генә әйләнештә була ала. Мөһим моментларның берсе-эшкәртелмәгән, аерымланмаган өстәмә продуктларны махсус мәйданчыкларда гына сакларга рөхсәт ителә.
Яңа өстәмәләр күп. Шуңа Күрә Ленар Гарипов кисәтте — » өстәмә продуктларга карата таләпләрне бозган өчен штрафлар әле билгеләнмәгән. Ләкин бизнес ял итәргә тиеш түгел. Бу вакытны әзерлек өчен кулланырга кирәк, шул ук чорда хаталарны төзәтергә, кирәк булса, Россельхознадзор белән киңәшләшергә, үз документларыңны таләпләргә туры китерергә кирәк».
