Изге Рамазан аена аяк басабыз. Казанның «Ярдәм-Помощь» фонды бинасында Рамазан аен каршылау темасына эшлекле сөйләшү узды. Шунда ук Брайль шрифты белән бастырылган Коръән тәфсирен һәм «Гыйбадәтел исламия» китабы да тәкъдим ителде.Коръән тәфсире һәм «Гыйбадәтел исламия» китабы Брайль шрифты белән беренче тапкыр басылды.
Коръән тәфсире һәм «Гыйбадәтел исламия» китабы Брайль шрифты белән беренче тапкыр басылды.
Димәк, хәзер күрмәүче мөселман кардәшләребез Коръән тәфсирен укый алачак. Моңа кадәр аларның укырга мөмкинчелекләре аз иде. Әгәр Коръән бер олы китап булса, Брайль шрифты буенча басылган китапның саны 10 томга җитә. Әлеге китапларга ихтыяҗ зур. Күрмәүче мөселман кардәшләргә китаплар бушка таратыла.Китап киштәбезгә детектив жанрлы әсәр — Рәдиф Сәгъдинең “Бер гаилә сурәте” китабы өстәлде.
Үсмер елларында Рәдиф Сәгъди алдында өч юл: криминалга кереп китү, спортта калу, артист булу мөмкинлеге була. Ә ул өчесеннән дә котылып, язучылыкны хуп күрә. “Казан утлары” журналы китапханәсе сериясендә басылган китап “Татмедиа” бинасында урнашкан “Әдәби кафе” да укучы хозурына тәкъдим ителде.
«Казан утлары»нда эшләгәндә Рәдиф Сәгъди әсәрләренең редакторы булган язучы Камил Кәримов татар әдәбиятында детектив жанрларга ихтыяҗ булуын ассыклады. Рәдиф Сәгъди нинди генә жанрга алынмасын, аның үз стиле, алымнары бар.
“Әдәби кафе” га җыелган китап сөючеләргә Дастаннар елы уңаеннан Базарбай Бикчәнтәев музыкаль бүләк ясады. Ул «Идегәй» дастаныннан өзек башкарды.
“Татмедиа” проекты буенча китап чыгару идеясе “Казан утлары” журналы баш мөхәррире Рөстәм Галиуллинныкы була.
Рәдиф Сәгъди китаптагы вакыйгаларны чын тормыштан алып яза. Геройларның вәхшилеген, явызлыгын тирән психологик кичерешләр аша, мавыктыргыч сюжетка корып тасвирлый. Китап уку безнең калебебезне пакълар дип бүгенгә саубуллашам.
