Табигатьтә яз хакимлек итә. Бүген 16 нчы марттта синоптиклар кояшлы, плюс җиде градуска кадәр җылы булыр дип вәгъдә итә. Бу әлбәттә, күңелле, ләкин коткаручыларның җитди куркулары бар.
Иртә килгән яз, гадәттә, язгы ташуга китерә, республикада 3 тәбәнәк күперне инде су басты.
Бүген Гадәттән тыш хәлләр министрлыгы хезмәткәрләре, команда-штаб өйрәнүләре уздыра. Бүген торак пунктларны, социаль һәм икътисадый өлкә объектларын яклауны эшкәртәләр. Гидрологик торышка көн саен мониторинг ясалачак.
