15 нче март көнне Туфан Миңнуллин исемендәге Түбән Кама татар дәүләт драма театрында “Бәби ” спектакле. Хуҗалары ташлаган этләр һәм песиләр, рәнҗетүчеләреннән ераграк качып, шәһәр читендә көн күрә. Кыргыйланып беткән йорт хайваннары дөньясында мәрхәмәт ,мәхәббәткә, җылы хисләргә урын калмаган. Монда читләрне, бигрәк тә кешене кабул итмиләр. Тик бервакыт, эт һәм песиләрнең чираттагы сугышуын бәби елавы өзә… Дәвамын спектакльне карап белерсез. Илгиз Зәйниев әсәре буенча куелган «Бәби» спектакле – гаилә белән карау өчен күңелгә үтеп керә торган, дулкынландыргыч тамаша.
18 нче март көнне Галиәсгар Камал исемендәге татар дәүләт академия театрында “Хуш, авылым ” спектакле. Спектакльдә вакыйгалар авыл клубында башланып китә, анда кичләрен әле гөрләп яшәүче авыл халкы җыйнала, биредә матур киләчәккә ышанган чын кешеләр тормышы күрсәтелә. Режиссеры: Айдар Җаббаров.
18 нче март көнне Габдулла Тукай исемендәге Әтнә татар дәүләт драма театрында «Кичер мине, әнкәй»спектакле. — гаилә кыйммәтләрен, ата-ана хакын, бала хакын алгы планга куйган спектакль. 16 яшьлек Миргаянның тормышы яшьтәшләреннән берни белән дә аерылмый. Әмма бер көйгә генә аккан яшәү рәвешен кинәт кайтып төшкән Дилфүзә боза. Егет кайсы юлны сайлар. Әлеге сорауга җавапны сез спектакльне карагач белерсез. Режиссеры: Фәрит Бикчәнтәев
16 нче март көнне Кәрим Тинчурин исемендәге татар дәүләт драма һәм комедия театрында “Хыялый ” спектакле. Авыл читендәге өйдә өлкән яшьтәге пар – хыялый Гыйззәт бабай һәм аның хатыны Шәрифә карчык яши. Тормышлары әйбәт, ләкин гомернең алтын көзенә кереп барсалар да, алар әле һаман бер-берсен аңларга өйрәнмәгән. Спектакль тамашачыларны дулкынландыргыч һәм шул ук вакытта көлкеле вакыйгаларның оста бирелеше белән җәлеп итә һәм көтелмәгән финалга китереп чыгара.
Режиссеры -Илшат Мөхетдинов.
13 нче март көнне Сабир Өметбаев исемендәге Минзәлә дәүләт татар драма театрында «Ситса туй» спектакле. Өйләнешүләренә бер ел үтеп, “ситса туйлары” көнендә, юк кына сәбәпләр аркасында, аерылышыр хәлгә җиткән дүрт пар турында моңсу комедия. Режиссеры: Илгиз Зәйниев.
18 нче март көнне Әлмәт татар дәүләт драма театрында “Синсез килгән язлар ” спектакле. Алсу-Фәрхәд, Фирая-Газинурның җайга салынган матур тормышы, гаилә бәхете хыянәт итү сәбәпле чәлпәрәмә килә. Геройларга нинди авырлаклар аша узасы була? Алсу Фәрхәдне кылган гамәле өчен гафу итә алырмы? Режиссеры: Лилия Әхмәтова.
Бу атнага мәдәният дөньясына кагылышлы яңалыклар шулар иде. Үзегезне рухи яктын үстерәсегез килсә — концертларга, спектакльләргә, күргәзмәләргә рәхим итегез. Мин, Динә Нәҗметдинова, сезнең белән киләсе атнага кадәр саубуллашам.
