13 марттан-15нә кадәр унберенче Бөтенроссия татар авыллары эшмәкәрләре җыены уза.
Быел әлеге җыенга Россиянең 40тан артык регионыннан, шулай УК Татарстаннан 500 кече бизнес вәкиле һәм фермер хуҗалыгы җитәкчеләре җыелачак. Өч көнлек программада күргәзмә-ярминкә, пленар утырыш, шулай ук Чувашия Республикасына сәфәр дә каралган. Күргәзмәдә берничә юнәлеш күрсәтелер дип көтелә, бу милли кием, милли ризык, сәламәт яшәү, авыл хуҗалыгы.
Оештыручылар әйтүенчә, чит илләрдән дә катнашучылар булачак. Әфганстан, Польша, Кытайдан. 500 кеше арасында ел саен катнашучы эшмәкәрләр дә бар. Бу ныклы адымнар белән хәрәкәт итүче, уңышлы эш алып баручы кешеләр.
