Чыгарылышыбызны «Мәдәни тормыш сәхифәсе белән дәвам итәбез. Мәдәният дөньясындагы вакыйгалар, ягъни яңа премьералар, күргәзмәләр, концертлар афишасын тәкъдим итәбез. Бу атнада җуласы мәдәни чаралар белән, Динә Нәҗметдинова таныштыра.
Хәерле иртә! Эфирда “ Мәдәни тормыш” сәхифәсе. Сезнең белән мин- Динә Нәҗметдинова
28 нче февраль көнне сәгать кичке җиденче яртыда Туфан Миңнуллин исемендәге Түбән Кама татар дәүләт драма театрында “Көлмәгез – мин үләм спектакле”. Авторы- Мансур Гыйләҗев
1 нче март көнне сәгать кичке җидедә Галиәсгар Камал исемендәге татар дәүләт академия театрында “Бабайлар чуагы” спектакле. Спектакль баш героиня Хәлимәнең кызы һәм оныгы янына җир читендәге Владивосток шәһәренә китәргә җыену ыгы-зыгысы белән башланып китә… Режиссеры: Илгиз Зәйниев
2 нче март көнне сәгать кичке җиденче яртыда Кәрим Тинчурин исемендәге татар дәүләт драма һәм комедия театрында “ Назлы кияү” спектакле.
Режиссеры -Рәшид Заһидуллин
3 нче март көнне кичке сәгать алтыда Габдулла Тукай исемендәге Әтнә татар дәүләт драма театрында “Хыял йорты” спектакле. Режиссеры- Гөлназ Минкина.
4нче март көнне кичке сәгать алтыда Әлмәт татар дәүләт драма театрында “Адашкан ир” спектакле. Режиссеры: Зиннур Сөләйманов
4 нче март көнне кичке сәгать биштә «Әкият»Татар дәүләт курчак театрында “Адәмнәр” спектакле. «Адәмнәр» әсәре 1921-1922 елларда Идел-Урал төбәгендәге котычкыч ачлыкны тасвирлый.
5 нче март көнне кичке сәгать биштә Салих Сәйдәшев исемендәге Дәүләт Зур концерт залында кичке сәгать биштә “ Музыкальные краски мира” концерты. Чарада Илдар Нигъмәтуллин, Ирек Фәттахов һәм Илгиз Мөхетдиновның катнашуы көтелә.
5 нче март көнне кичке сәгать алтыда Аяз Гыйләҗев исемендәге Чаллы татар дәүләт драма театрында “ Капка” спектакле. Гомер буе кимсенеп яшәгән Касыйм соңгы сулышына кадәр үз-үзен эзләү белән мәшгуль. Ерак Камчаткада яшәп, гомер азагында туган туфрактан бәхиллек алырга кайтырга җыенган чал Касыймга шактый авырлыклар аша узарга туры килә. Режиссеры Олег Кинҗәгулов
Бу атнага мәдәният дөньясына кагылышлы яңалыклар шулар иде. Үзегезне рухи яктын үстерәсегез килсә — концертларга, спектакльләргә, күргәзмәләргә рәхим итегез. Мин, Динә Нәҗметдинова, сезнең белән киләсе атнага кадәр саубуллашам.
