Бүген педагогның роле зур әһәмияткә ия. Ул һәр укучының мәктәп тормышында төп фигура булып тора. Педагогик хезмәткәрләрнең аерым статусын танып, илебез Президенты Владимир Путин быелгы елны Педагог һәм остаз елы дип игълан итте. Республикабызда рәсми рәвештә Педагог һәм остаз елының тантаналы ачылышы узды. Анда республика Рәисе Рөстәм Миңнеханов катнашты.
Елдан-ел педагоглар үз укучыларыннан чын профессионаллар ясыйлар. Казан Федераль Университетының филология һәм мәдәниятара багланышлар институты сәхнәсендә остазларга күпьеллык хезмәтләре өчен рәхмәт сүзләре яңгырады. Иң яхшы остазлар республиканың атказанган укытучылары исеменә лаек булды.
Агымдагы ел мәгариф өлкәсендә уңышлы, актив булсын дип телим. Һәрбер укытучыга уңышлар. Булачак студентлар укытучылык һөнәрен сайлап, киләчәктә үз эшләренең остасы булсыннар.
Бу ел укытучыларның югары статусын һәм аларның эшенең мөһимлеген ассызыклый. Татарстанда педагог һөнәре яңа дәрәҗәгә чыксын өчен барысы да эшләнә, дип билгеләп үтте Рөстәм Миңнеханов.
Югары уку йортларында белем бирү сыйфатына аеручы зур игътибар бирелә.
Ел дәвамында республикада педагог һөнәренең абруен күтәрәр өчен төрле форумнар, конкурслар, фестивальләр, конференцияләр үткәреләчәк.
Динә Нәҗметдинова, Ирина Ковалева, Альберт Сафиуллин.
