Халык телендә Кызлар мәктәбе дип йөртелгән белем йортында ел дәвамында милли мәгариф һәм мәдәният мәсьәләләренә багышланган дистәгә якын даими чара үткәрелә. Алар арасында “Фатиха Аитова остаханәсе” белем бирү-иҗади-мәгърифәтчелек проекты да бар. Ул нидән гыйбарәт? Проектның үзенчәлекләрен хәбәрчебез Мөршидә Җиһан өйрәнеп кайтты.
“Тормыштан читтә калмагыз, кызлар, дөньяны өйрәнегез!” дип язып калдырган күренекле мәгърифәтче Фатиха Аитова. Шул вәсыятьне маяк итеп гимназиядә республикабызның күренекле хатын-кызлары белән “Фатиха Аитова остаханәсе” үткәрелә башлады. Иң әүвәл кызлар кунакларны музей белән таныштыра.
Фатыха Аитова музеена бик бай мәгълүмат тупланган. Аны ачуда танылган татар галимәсе Тәэминә Биктимерова башлап йөргән иде. Беренче очрашуны да аннан башладылар, ә икенче остаханәнең кунагы -. «Ак калфак» Бөтендөнья хатын-кызлары оешмасы җитәкчесе.
Түгәрәк өстәл рәвешендә узган очрашуда кызлар кунакка үзләрен кызыксындырган сораулар бирә. Кадрия Идрисова кызлар гына укыган гимназиядә еш булганлыктан, гаиләдә хатын-кыз ролен ачыклаган тәҗрибәсе белән утаклашты. Ә аннары чып-чын остаханә башланды.
Әнә шулай бер мизгел эчендә укучы кызлар уңган хуҗабикәгә әверелде. Араларында әле бер тапкыр да өй токмачы әзерләп карамаучылар да булды.
Әмма белмәү гаеп түгел, белергә теләмәү гаеп дип өйрәтә халкыбыз мәкале. Остазлары барысына да токмач әзерләү серләрен онытмаслык итеп өйрәтте.
Мөршидә Җиһан, Дамир Мөхәммәтханов. Татарстан яңалыклары
