Игътибар, аучылар җәнлек саный! Татарстанда урман җәнлекләренең исәбен алу бара. Аучылык күзәтчелеге инспекторлары , поши, кабан, төлкеләр һәм куяннар калдырган эздән, кыргый хайваннарны саныйлар. Белгечләр белән бергә, урман җәнлекләренең эзләрен, Яшел Үзән районындагы хәбәрчебез Айгөл Гатауллина да өйрәнде.
Каләм, дәфтәр, навигатор-якын көннәрдә аучылык күзәтчелеге инспекторларының куларында әнә шулар булачак. Урманда җәнлекләр санын алу бара. Аларны гади генә саныйлар: бер эз — берҗәнлек. Сан алу ике этапта уза.
Кайнар эзләр буенча аучылар юлга чыга. Поши, кабан һәм башкалар — 15кә якын төр хайванны санарга кирәк. Бу эш, әлбәттә, алар артканмы, әлләк имегәнме, шуларны белү өчен эшләнә.
Яшел Үзән аучылык хуҗалыгының мәйданы 28 мең гектар. Бу маршрутның озынлыгы 10 километр, җәнлекләрнең кышкы исәбен алу чарасы көненә өчәр сәгатькә сузыла. Яңа сезонда ауга рөхсәт — сан алу нәтиҗәләренә бәйле.
Кардагы эзләр җәнлекләр турында күпс өйли ала. Мәсәлән, ул кайсы якка барган, кайда ашарга эзләгән һәм аны тапкан урынын да белергә мөмкин.
Бүгенге Тикшерү барышында өч куян, дүрт поши, төлке һәм сусар эзләрен исәпкә алалар. Яшел Үзән районында күпме кыргый җәнлек яшәгәнлеге исә март башында билгеле булачак.
Айгөл Гатауллина, Альбина Хәмидуллина, Андрей Лопатников.
