Безнең телерадиокомпания һәм Русфонд хәйрия җәмгыяте авыру балаларга ярдәм йөзеннән уртак проектны дәвам итә. Бу юлы Артур Сафиуллинның тарихы. Дәвалау курсы һәм тернәкләндерү уңай динамика бирә, әмма аңа вертикализатор һәм аеруча югары калорияле туклану таләп ителә.
Ирина Сафиуллина күз яшьләре белән улының авыруын белгән көнне искә төшерә. Артур белән энесе игезәкләр. Бер яшь тулыр алдыннан, игезәк соңары йөри башлый, ә ул селкенмәгәч, әти-әнисе шикләнә Тикшергәннән соң табиблар церебраль паралич диагнозын куя. Еллар буе дәвалану, күнегүләр һәм дәресләр билгеле бер уңышларга ирешергә ярдәм итә.
Артур шат, киң күңелле малай. Бергә уйныйлар, мультфильмнар карыйлар, тернәкләндерү үзәгенә йөриләр. Ул барыннан да бигрәк музыкаль китаплар, рәсемнәрне карарга ярата. Алга таба дәвалануның уңышы вертикализаторга һәм махсус туклану режимына бәйле. Үз яшенә күрә аның авырлыгы аз.
Кирәкле ярдәмнең гомуми суммасы 670 285 мең сумга төшә. Гаилә өчен бу зур сумма. Балага ярдәм итү өчен 5542 номерына ДЕТИ сүзе белән СМС җибәрергә була. Бер хәбәрнең бәясе — 75 сум. Күбрәк өлеш кертергә теләүчеләр өчен тулырак мәгълүмәт безнең телерадиокомпания һәм Русфонд сайтларында.
Алия Галиуллина, Руслан Мөбәрәкшин, Ренат Сәхебгәрәев, Татарстан яңалыклары.
