Россия Президенты Владимир Путин -Татарстан Республикасы Президенты Рөстәм Миңнеханов белән эшлекле очрашу уздырды. Очрашу барышында Татарстанда социаль-икътисадый вәзгыять турында фикер алыштылар.
Төп темаларның берсе булып Көнбатыш санкцияләре шартларында төбәктә сәнәгать үсеше булды. Владимир Путин Татарстаннан чимал булмаган экспортның артуын бәяләде, төбәктә икътисад структурасы үзгәрүенә, эшкәртү сәнәгатенең өлеше артуына игътибар итте. Шулай ук Рөстәм Миңнеханов республиканың сәнәгать уңышлары, шул исәптән Камаз, Казан авиация заводы һәм Ту 214 проекты, вертолет заводы, Хайер кебек эре предприятиеләр турында сөйләде. Республика Президенты сәламәтлексаклаудагыүсешһәм гомерозынлыгынарттырупланнарытурында да хәбәр итте.
Шулай ук республикада ике ел эчендә ятимнәр һәм күпбалалы гаиләләрнең торакка чиратны ябу бурычы тора. Сүз,шулай ук махсус хәрби операциягә ярдәм итү турында да барды. Татарстан ике миллиард ярым сум чамасы акча бирде.Гомүмән алганда, Республика гуманитар ярдәм китерү буенча зур эш алып бара, бүгенгә якынча ике мең тонна шундый ярдәм җибәрелгән. Шактый өлеше Татарстаннан шефлыкка алынган Лисичанскига бара. Бу зоналарда табибларның дәвалау эше, һәм халыкның туклануы мәсьәләләре оештырылган.
