Китапханә — серле дөнья. Китапханәләрнең төп байлыгы китаплар булса, иң кадерлесе – андагы китапларны укырга яратучыларның күп булуы. Шуңа да китапханә киштә-киштә китаплары белән генә түгел, ә үзенең укучылары белән яши. Түбән Каманың үзәк китапханәсе дә яңа китаплар белән баетылды. Китапханәчеләр белдерүенчә укучылар яңа басмаларны чират торып укый. Моңа Түбән Камадагы хәбәрчебез Рушания Сибатова да инанды.
Үзәк китапханәнең бүлек мөдире Әнфисә Фәйзетдинова яңа китаплар турында илһамланып сөйли. Бу юлы кайткан һәрбер китап укучылар арасында популяр, алар киштәләрдә тузан җыеп ятмаячак ди ул.
Китап сөючеләр шулай ук Ренат Харис, Шәмсия Җиһангирова, Фәүзия Солтан кебек авторларның яңа гына нәшрияттан чыккан китапларын алып укый ала.
Яңа китаплар, авторлар белән беррәттән укучылар классик авторларны да яратып укый. Мисалга китап укучы Шәрипҗан Газизуллин китапханәгә Тукай, Дәрдемәнд, һади Такташны укырга дип килә.
Гомүмән Үзәк китапханәдә 6 меңгә якын татарча китап бар.
Р. Сибатова, Р. Рәкыйпов.
