Казанның Азык-төлек һәм социаль туклану департаменты шәһәрнең160 мең укучысын кайнар ризык белән тәэмин итә. Бу узган ел белән чагыштырганда 9 меңгә күбрәк. Октябрь аеннан муниципаль бюджет хисабына мобилизацияләнүчеләрнең балаларына ике тапкыр кайнар ризык бирелә.Теманың дәвамы-алдагы язмада.
Мәктәптә туклану бәясе- узган уку елындагыча. Укучыларга сайлап алу өчен 4 төрле меню тәкдим ителә. Аларның бәяләрен һәм вариантларын сез экраннарда күрә аласыз.
Мондый сайлап алу, балаларның һәм ата-аналарының теләген искә алып бирелергә тиеш – көннең беренче яртысында барлык укучылар да итле ризык ашарга әзер түгел. Комплексны сайлау ата-ана карамагында кала.
Кече сыйныфларда кайнар ризык бирү вариантын яңа уку елы башыннан 86 мәктәптә керткәннәр. Шул УК вакытта иртәнге итле ашны өстен күрүчеләр өчен андый вариантны да әзерләүне дәвам итәләр.
Мәктәп ашханәләрендә ата-аналар контроле дәвам итә. Агымдагы уку елының беренче ярты еллыгында туклану департаменты ата-аналар контроле журналында 8 меңгә якын язма калдырган, шуларның 97 проценты – уңай.
Шулай ук сентябрьдән мәктәп ашханәләрендә «Мәгариф картасы» кушымтасы базасында алдан заказ бирү системасы сынала. Ул укучыларга комплекска алдан заказ бирергә һәм иртәгә әлеге ризыкның тарату линиясендә булачагына ышанырга мөмкинлек бирә. Укучылар бу мөмкинлекне зур кызыксыну белән кабул иттеләр.
