Мәркәзебездә татар халкының милли мәдәни-тарихи җәүһәрләрен, халык сәнгате һөнәрләрен яңартып, шуларга заманча сулыш өреп, яшь буынга җиткерүче уку йорты – Халык сәнгате һөнәрләре техникумы бар. 2023 елны Татарстан Президенты Рөстәм Миңнеханов Татарстанда Милли мәдәниятләр һәм традицияләр елы дип игълан итте. Димәк, әлеге ел алар өчен аеруча әһәмиятле.
Милли киемнәр, уенчыклар, сувенирлар барысы техникумда укый башлагач кына тегәргә –чигәргә өйрәнүчеләр кулы белән эшләнгән. Ә остазлары бик тәҗрибәле студентларның.
Үзләре җитештергән товарларны сатып техникум яңа материаллар сатып ала. Әлбәттә яңа техник алгарыш заманында кул хезмәтен җиңеләйтү өчен җиһазлар да кирәк. Бу җәһәттән грантлар ярдәмгә килә. Дөрес аңа лаек булу өчен күрсәткечләр, проектлар кирәк.
Дәвам итүчеләр арасында Себердән килгән Татьяна Беспалова да бар.Ул бик горурланып башыннан ахырына кадәр теккән куянын күрсәтә., Идел буе регионында бу юнәлештә эшләүче бердәнбер техникум булгач биредә төрле регионнардан килеп укыйлар. Сувенирлар ясаудан тыш студентлар практик күнекмәләр алганнан соң итәкләр , әнә шундый экологик сумкалар, альяпкычлар да тегә башлый.
Биредә белем бирүче педагогларның һәм аларның шәкертләренең эшләре, күптән инде Россия чикләрен узып, Франция, Австралия, АКШ, Голландия, Португалия, Бөекбритания коллекционерларының шәхси тупланмаларына барып кергән. Күп кенә эшләнмәләре «100 иң яхшы товар», «Сыйфат лидеры» кебек конкурсларда дәрәҗәле урыннар яулаган.
