Татарстан халкы махсус операциядә катнашучы хәрбиләргә төрле ярдәм күрсәтә. Республикабыз районнарында кечесе –олысы да әлеге изге эшкә бик теләп кушыла.Түбән Кама районында да “Халык остаханәсе” дип исемләнгән тегү цехы эшли башлады. Биредә волонтерлар солдатларга йокы капчыклары, яралыларны коткару өчен носилкалар, башка кирәк-яраклар тегә. Изге эшләре турында Түбән Камадан Гөлия Нигъматуллина язмасы.
Барлыгы шундый 300 яра бәйләвеч тегәргә кирәк. Волонтерлар көн-төн хезмәттә. Тегү цехына алар буш вакытларында киләләр: берәүләр- укудан, икенчеләре — эштән соң.Менә шулай җыелабыз. Бергә булышабыз. Солдатлар исән-сау кайтсыннар дип тырышабыз. Мин торган йорттан да ике кеше китте. Аларга ярдәм итәсебез килә.
«Халык остаханәсе» дип аталган кечкенә тегү цехы 35 нче микрорайонда урнашкан. Территориаль-иҗтимагый үзидарә советы рәисе шундый тәкъдим белән чыккан. Түбәнкамалылар әлеге идеяне хуплап алган. Команда өлкәннәр дә, яшьләр дә бар. Һәркем кулыннан килгәнчә ярдәм итә.
Безнең өчен һәр көн кадерле. Эшне башладык. Кешеләр килә. Ярдәм итәләр. Кичен дә, көндез дә эшлибез. Күбесенчә, халык эштән кайткач килә, ару-талуны белмиләр. Сәгать алтыда башлыйбыз, тугыз-унга кадәр монда.
Битараф булмаган түбәнкамалылар яра бәйләвечләре, йокы капчыклары, носилкалар әзерли. Кул көче җитәрлек, диләр. Тегү материаллары белән ярдәм итәргә теләүчеләр булса, экранда күрсәтелгән телефон номерына шалтырату сорала. Әзер әйберләрне исә хәрби операция барган зонага җибәрәчәкләр.
Алия Галиуллина, Степанова, Рафаэль Рәкыйпов, Татарстан яңалыклары.
