8-10 декабрьдә Казанда «Россия музейларында ислам мирасы» дигән Бөтенроссия конференциясе уза. Фәнни форум Татарстан җирендә ислам динен кабул итүгә 1100 ел тулуга багышланган.
Катнашучылар мөселман мәдәнияте предметларының уникаль коллекцияләре турында сөйләячәк. 8 декабрьдә конференция кысаларында Татарстан Милли музеенда түгәрәк өстәл узачак. 9 декабрьдә Казан Кремленең кабул итү урыннарында күргәзмәләр тәкъдим ителәчәк. 10 декабрьдә конференция кунаклары борынгы Болгарга барыр дип планлаштырыла. Фәнни форум Татарстан Милли музее тарафыннан мәдәният министрлыгы ярдәме белән гамәлгә куела.
