Татарстанда күптән көтелгән иҗтимагый берлек барлыкка килде. Өр-яңа оешма татар эстрада сәнгатендә продюсерлык белән бәйле мәсьәләләрне җайга салырга җыена. Ничек икәнен һәм әлеге авыр тармакны үстерүгә кемнәр алынганын хәбәрчебез Мөршидә Җиһан өйрәнеп кайтты?
Рифат Фәттаховның продюсерлык эшчәнлеге турында китап яза башлаганы киң җәмәгатьчелекә игълан ителгән иде. Ул язылып беткән һәм тиздән тәкъдим ителә. Әмма сүзебез ул хакта түгел, ә бәлки Татарстан Республикасының продюсерлар берлеге иҗтимагый оешмасы турында барыр. Ул күптән түгел рәсми рәвештә теркәлү узды, уставы язылды. Аны нигезләүдә катнашучылар һәм баш оештыручы шул хакта сөйләү өчен журналистларны түгәрәк өстәл янына җыйды.
Татар халык җырларын тыңлап тәрбияләнгән буын китеп бара. Телебезгә ятышсыз шоу-бизнес, Продюсер дигән сүзләр килеп керде. Татарчалатып әйткәндә бу сүзләр хәзерге заман шартларында акча эшләүнең яңа ысулын аңлата. Булдыра ала икән нигә эшләмәскә ! Монда нәтиҗә әһәмиятле. Татар мәдәниятенә хезмәт иткән җырчылар арасында продюсер аша танылганнары бармы? Бар гына түгел бик күп алар, әмма кайберләре продюсер ярдәмен онытып , минем тавыш матур бит , мин җырлыйм дип танылып китүләрен үз хисабына ала .
Һәр буын үз заманы өчен тансык булган зәвыкка омтыла. Бүген иҗат кешесенә таланлы булу гына җитми. Аның талантын халыкка тәкъдим итә белү осталыгы кирәк . Болгар кызлары «Болгар кызлары» триосы солисты Айгул Зәйнуллина продюсерлар берлеге эшенең киләчәктә тагын да үсүенә һәм җәелүенә өмете зурдан.
Социаль челтәрләр аша гына атказанып булмый. Халыкның иң нечкә кыларын кузгалткан җырчы булуга ирешү берүзең генә ерып чыга торган эш түгел. Аның өчен продюсер кирәк дип исәпли яңа оешкан берлек әгъзалары.
Түгәрәк өстәл барышында яңгыраган фикерләрдән аңлашылганча, подюсерлар өчен иң четрекле мәсъәлә ул килешү төзү белән бәйле. Төп хата-рәсми килешүсез эшләү. Мәгълүм булганча күп очракта җырчы белән продюсер арасында аңлашылмаучанлык та нәкъ менә контрактны төгәл үтәмәү, яисә килешүләрне сүз белән генә берекетеп куюга бәйле.
Цивилизацияле музыкаль индустрия төзергә ярдәм итүне максат итеп куйган иҗтмагый берлек киләчәктә рәсми килешүне өч яклы итүне дә хуплый. Продюсер , җырчы һәм мәдәният министрлыгы. Дәүләт, җәмәгатьчелек каршында Продюсерлар берлеге аша әйтелгән фикер бөтенләй икенче яңгыраш ала. Нәкъ шул хакта танылган журналист, продюсер Илфак Шиһапов та янып йөргән иде.
Мөршидә Җиһан, Ирек Хәмидуллин Татарстан яңалыклары
