Камал театрында «Яңа татар пьесасы 2022» бәйгесенең жюри утырышы узды. Иҗади конкурсны Галиәсгар Камал исемендәге Татар дәүләт Академия театры Татарстан Республикасы Мәдәният министрлыгы һәм Татарстан Республикасы Театр эшлеклеләре берлеге белән уртак оештыра. Татар драматургиясепнең киләчәге кемнәр кулында ? Бу хакта тулырак хәбәрчебез Мөршидә Җиһан видеоязмасында.
Чуртан, песи, тамчы. Болар барысы да 2022 елгы яңа татар пьесасы конкурсының икенче турына узган каләм әһелләре. Араларында әсәрләрен Илтифатлы , Тамада тәхәллүсе белән тәкъдим итүчеләр дә бар . Чөнки конкурс ябык. Ябык конкурсның икенче турына жюри әгъзалары 21 пьеса сайлап алган.
Классик драматургларыбыз иҗатына татар театры режиссерлары әледән-әле мөрәҗагать итә. Әмма һәр заманның үз каһарманы. Сәхнәдә заман көзгесен чагылдырмыйча булмый. Әлеге конкурсның төп максаты да шул. Татар драматургиясен яңа исемнәр, яңа әсәрләр белән баету. Ә алар, ягъни җиңеп чыгучы авторларның исемнәре 22 декабрь татар театрының туган көнендә игълан ителә.
Мөршидә Җиһан, Фәннур Хәсәнов, Ирек Хәмидуллин, Татарстан яңалыклары.
