18нче ноябрьдә Дәүләт Советының чираттагы утырышында өч еллык бюджет турында фикер алышалар.
Дәүләт Советы Президиумында шулай хәл иттелде. Исегезгә төшерәбез, киләсе елга төп финанс документын парламентарийлар төрле яклап фикер алышулардан соң инде беренче укылышта кабул итте, ягъни аның белән принципиаль рәвештә килештеләр. Киләсе сессиядә алар хезмәттәшләренең төзәтмәләре һәм кисәтүләре турында фикер алышырга әзер. Моннан тыш, депутатлар «Каты коммуналь калдыклар белән эш итү турында» федераль закон чыгару инициативасын кертергә ниятли. Дәүләт Думасына һәм Россия Хөкүмәтенә мөрәҗәгать итү проекты инде әзер. Көн тәртибендә якынча 15 мәсьәлә карала, әмма ул тулыланырга да мөмкин.
Сессиягә Дәүләт Советы комитетлары да әзерләнде. Берничәсе күчмә форматта үтте. Цифрлы компетенцияләрне үстерү икътисад, инвестицияләр һәм эшкуарлык парламент комитетының игътибар үзәгендә иде. Депутатлар Башир Рәмиев исемендәге яңа Ай-Ти паркта булды. Ә менә мәгариф, мәдәният, фән һәм милли мәсьәләләр комитеты активы Казан мәдәният һәм сәнгать институтында шәһәр, район һәм авыл мәдәният йортлары эшенең нәтиҗәлелеге турында фикер алышты.
Цифрлы компетенцияләрне үстерү икътисад, инвестицияләр һәм эшкуарлык парламент комитетының игътибар үзәгендә. Депутатлар Башир Рәмиев исемендәге яңа Ай-Ти паркында. 50 мең квадрат метр мәйданда икътисад һәм сәнәгатьнең төрле тармакларында саннарны үстерү өчен шартлар тудырылган.
Иң заманча технологияләр ярдәмендә җыелган рояль таныш көйләрне һәм классик музыканы үзе уйный. Айти өлкәдәге яшь белгечләрдән зур проект лидерларын әзерлиләр. Бәшир Рәмеев исемендәге парк хуҗалар әйткәнчә һәркем өчендә уңайлы. Ул 5 яшьтән 75 яшькә кадәр килүчеләргә исәпләнгән. Парламентарийларга компьютер уеннары, робот техникасы, квант технологияләре зоналарын күрсәттеләр. Бүген җитештерүне цифрлаштырмыйча беркая да барып булмый ди алар.
Өлкән яшьтәге килүчеләр өчен интернетны кулланырга, цифрлы технологияләрне өйрәтә торган махсус сыйныфлар булдырылган. Комитет утырышында халык сайланучылары бүген хезмәт базарында ихтыяҗ булган әлеге компетенцияләрне үстерү турында җентекле мәгълүмат алды. Моннан тыш, депутатлар Минцифра, Мәгариф һәм фән министрлыгы вәкилләрен тыңлады. Бүген алдынгы инженерлык мәктәпләре кирәк. Бездә алар бар инде.
Парламентарийлар чит ил технологияләрен үзебезнеке белән алыштырып үзләштерү һәм үстерү мөһим дип билгеләп үтте.
Республикабызның мәдәният йортлары һәм авыл клубларының эш нәтиҗәләре турында, Казан мәдәният һәм сәнгать иститутында узган, мәдәният, фән һәм милли мәсьәләләр буенча парламент комитетының күчмә утырышында фикер алыштылар. Халык сайланучылары башта уку йортының эшчәнлеге белән танышты, уку һәм иҗат лабораторияләрен карады.
Кунакларны студентлар гимны белән танылган уку йортының булачак артистлары каршы ала.
Казан дәүләт мәдәният һәм сәнгать институты үзенең бөтен мөмкинлекләрен төрле мәйданчыкларда күрсәтә. Институт коридорларында риваятьләр һәм әкиятләр персонажлары җанлана, эстрада, классик һәм фольклор музыкасы ишетелә.
