Татарстан имамнары өчен махсус әзерләнгән сәнгатьле сөйләм курслары зур кызыксыну уятты. Ни өчен икәненә җавапны Идел буе Болгар дәүләтендә ислам динен кабул итүнең 1110 еллыгына багышланган сәхифә аша җиткерербез. Сүзне хезмәттәшем Мөршидә Җиһанга бирәм.
Әссәламегаләйкем вә рәхмәтуллаһи вә бәрәкәтүһү!Хөрмәтле дин кардәшләр!
Сөйләм осталыгы дип аталган масштаблы проект мөхтәсибәтләргә дә килеп җитте. Ул Казан дәүләт мәдәният институты Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән әзерләнде. Иң әүвәл матур сөйләм күнекмәләрен район имамнарына өйрәтсәләр шушы көннәрдә мәдәрәсә, Иман нуры һәм Ярдәм мәчетләрендә «Сөйләм осталыгы» дәресләре үтте.
Нәзарәтнең барлык мөхтәсибәтләрен һәм 1530 дин әһелен колачлар дип ниятләнә. Сөйләм дәресләре махсус программа белән укытыла. Аның өчен Татарстан Диния нәзарәте аша тәкъдимнәр кабул ителгән. Шул тәкъдимнәр аша нәкъ менә дини чыгыш, вәгазьләү үзенчәлекләре аңлатыла. Ә аңлатучы һәм укытучылар Казан дәүләт мәдәният институтынның сөйләм осталыгы курсы белгечләре.
Матур сөйләмнең ни икәнен яхшы аңласак та, татар теленең бөтен нечкәлеләренә кадәр аңлатырлар дип күз алдына да китермәдек ди имамнар. Тәҗрибәле та югалып калуын уртаклашты.
Башта имамнарга сөqләм осталыгына әзерлек этаплары турында аерым-аерым аңлатылды. Мәсәлән тышкы кыяфәт, халык каршына чыгу, ым-ишарә белән бәйле тәкъдимнәрне хәзрәтләр язып ук алды.
Әлбәттә бер-ике дәрестә генә сөйләм осталыгына ирешү мөмкин түгел , шуңа күрә мөстәкыйль шөгыльләнү өчен Дин әһелләренә «Чыгыш ясау сәнгате нигезләре һәм әдәби сөйләм»җыентыклары таратыла.
Оста итеп вәгазь сөйләүчеләр Татарстанда күп түгел. Димәк әлеге Сөйләм осталыгы проектына бу мәсьәләне хәл итүдә өметләр зурдан. Көткән өметләбез аклансын дигән теләктә бу атнага саубуллашам. Җомга көнебез мөбарәк булсын. Әссәламегаләйкем вә рәхмәтуллаһи вә бәрәкәтүһү!
