Соңгы вакытларда төрле социаль челтәрләрдә блогер булып теркәлүчеләр саны көннән-көн арта. Хезмәтләренә карап максатлары да төрлечә. Алар һәрберсе язылучыларына оригиналь, мәзәк, сәер видеолар, постлар тәкъдим итәләр, җыен юк-бар нәрсәләр турында язучылары да шактый, ләкинараларында файдалы киңәш, кызыклы һәм тормыш өчен кирәкле мәгълүмат бирүчеләре дә җитәрлек. Фәннур Хәсәнов, Иван Худяков видеоязмасы.
“Ана – бөек исем, Нәрсә җитә ана булуга! Хатын-кызның бөтен матурлыгы,Бөтен күрке ана булуда!” дип язган шагыйрь. Нинди матур сүзләр, нинди тирән эчтәлек?! Берничә шигъри юл белән Һади Такташ аналарны буй җитмәс биеклеккә күтәргән.
Төрле сәбәпләр аркасында бала табу процессы нинди якка үзгәрүенә карамастан, кичекмәстән бала табу йортына эләгергә кирәк. Чөнки туачак һәм туган баланың сәламәтлеге беренчемизгелләрдә күрсәтелгән табиблар ярдәменең нинди булуыннан тора. Казанда мондый сабыйларга югары сыйфатлы ярдәм Республика клиник хастаханәсенең перинаталь үзәгендә күрсәтелә. Биредәге балалар реанимациясендә иң заманча җиһазлар, барлык тиешле аппаратура һәм квалификацияле белгечләр бар.
Авыр вакытларда ананың да, баланың да тормышы кыл өстендә була. Аларга ярдәм итү бик авыр. Ләкин, Табиблар кулларыннан килгәнне, барысын да эшләргә тырышалар.
Әлбәттә, бүген һәркайсыбызны да үзенә күрә блогер дип әйтергә мөмкин. Барыбызда да кәрәзле телефоннар, социаль челтәрләрдә шәхси аккаунтларыбыз бар. Ләкин, башкалар өчен ниндидер файдалы киңәшләр, борчыган сорауларга җавап табып аңлатмалар биреп ярдәм кулы суза алабыз икән, димәк, бу шөгел һәммәбез өчен дә күпмедер әһәмияткә ия.
Фәннур Хәсәнов, Иван Худяков Татарстан яңалыклары.
