Саба спорткомплексында Татарстан республикасының атказанган төзүчесе Фәргать Нәбиуллин истәлегенә республикакүләм көрәш бәйгесе узды. Биредә 2009 нчы елгы һәм аннан кечерәк көрәшчеләр келәмдә бил алышты.
Фәргать Нәбиуллин төзүче һәм көрәшче буларак тирән эз салган шәхес. Аның истәлегенә беренче тапкыр көрәш бәйгесе үткәрелде.
Танылган төзүче истәлегенә көрәш бәйгесе оештыру очраклы түгел. Бил алышуны кечкенәдән яратып, чыныгу алып үсә ул. Олыгайган көннәрдә дә көрәшкә тугры кала.
